António Costa, presidente do Consello Europeo, recoñece que a columna racista de Rajoy durante o Mundial é “inaceptable”
Bruxelas | A eurodeputada do BNG, Ana Miranda, vén de recibir a resposta oficial do presidente do Consello Europeo, António Costa, á carta enviada xunto a 22 eurodeputadas e eurodeputados o 14 de xullo na que denunciaban a tribuna de opinión do ex presidente do Goberno, Mariano Rajoy sobre a selección francesa durante a Copa do Mundo de Fútbol na que de xeito racista e xenófobo desprezaba a composición da selección nacional francesa asegurando que era de "altísimo nivel, eso si, sen franceses".
Na misiva achegada polo equipo de Antonio Costa critícanse eses termos como "inaceptables" porque "non teñen lugar nun discurso público respectuoso". "As preocupacións sobre a natureza racista e xenófoba desas afirmacións" escritas polo señor M. Rajoy "chamaron a atención" do presidente Costa...